KASO NG COVID-19 SA MUNDO, MAHIGIT NA 29.6 MILLION

Umaabot na sa 29,674,888 ang kabuuang kaso ng COVID-19 sa buong mundo na may 937,111 na namatay at 20,148,709 ang mga gumaling na base sa data ng Johns Hopkins University as of 2am kanina Philippine time.

Nangunguna pa rin ang Estados Unidos sa mga bansang may pinakamaraming kaso na umaabot na sa 6,610,352 at may 196,349 ng mga namatay.

Sinusundan ito ng India, Brazil, Russia at Peru.

Umakyat naman ang Pilipinas sa listahan sa ika-21 na pwesto habang ang China kung saan nagsimula ang pandemya ay nasa ika-39 na pwesto na may 90,224 na kaso at 4,736 na mga namatay.