KAUNA-UNAHANG HUNKY GUY CLEANING SERVICE, INILUNSAD SA SINGAPORE

Inilunsad ng isang Singaporean company ang kauna-unahang cleaning service, kung saan mga hunky guys ang magbibigay ng serbisyo sa mga kliyenteng nais magpalinis ng bahay.

Ang kumpaniya sa likod ng serbisyong ito ay ang VEHS, isang kumpaniyang nagrerekomenda ng mga interior designers sa mga may ari ng bahay na nagnanais magpa-renovate.

Ayon sa VEHS, ang serbisyong ito kung saan ang tagalinis ng bahay ay mga shirtless na matitipunong mga lalaki ay for limited offer, na mangyayari lamang sa April 10-11.

Nakasaad rin sa kanilang Facebook account na ang serbisyo ng mga hunky guys ay “subject to availabilty, on a first come first serve basis” lamang. Mainam din umano na magpa-book ng maaga.