Malawak na Sunog sa Brazil nagdulot ng makapal na usok sa mga kalapit na Bansa

Sa kasalukuyan ang Brazil ay humaharap sa matinding mga sunog na nagdulot ng makapal na usok sa mga pangunahing lungsod tulad ng São Paulo at Rio de Janeiro, pati na rin sa mga kalapit na bansa.

Ayon sa satellite imagery, tinatayang 60% ng Brazil ang natatakpan na ng usok, na umaabot sa humigit-kumulang 10 milyong kilometro kuwadrado. Ang krisis na ito ay umaabot na sa hangganan ng Brazil, kung saan ang bahagi ng Argentina at Uruguay ay nakararanas rin ng epekto.

Ang kombinasyon ng tagtuyot at deforestation ang sanhi ng pagpalakas ng sunog nitong mga nakaraang linggo, na nagresulta sa masamang kalidad ng hangin at alalahanin sa kalusugan sa mga lungsod. Maraming residente ng São Paulo at Rio de Janeiro ang nag-ulat ng reduced visibility at nagkakaroon ng mga problema sa paghinga habang patuloy na umiikot ang usok sa densely populated na mga rehiyon na ito.

Sinabi ng mga environmental groups na ang mga sunog ay nakaaapekto sa biodiversity at pagbabago ng klima, at binigyang-diin ang pangangailangan para sa epektibong forest management at konserbasyon.

Nahaharap ang gobyerno ng Brazil sa kritisismo kaugnay ng kanilang pamamahala sa krisis, kaya’t nagkaroon ng panawagan para sa mas matibay na hakbang upang mapigilan ang karagdagang pagkasira ng kapaligiran.

Bilang tugon, nagmobilisa ang mga awtoridad ng mga firefighting teams at iba pang resources para labanan ang sunog, ngunit di matatawaran ang laki ng mga hamon dahil sa lawak ng sunog. Nag-alok din ng tulong ang mga international organizations at kalapit na bansa, na nagpapakita ng transboundary nature ng krisis.

Habang patuloy ang laban ng Brazil sa mga malalaking sunog, muling itinatampok nito ang malawakang implikasyon ng maling pamamahala sa kapaligiran at pagbabago ng klima. Dahil dito, lumakas ang panawagan para sa sama-samang pandaigdigang pagsisikap upang tugunan ang mga agarang isyung ito.

Ang sitwasyong ito ay nagpapaalala kung gaano kahalaga ang pagtutulungan sa pagprotekta sa likas na yaman hindi lamang para sa isang bansa kundi para sa buong mundo.