Mga Pinoy sa Hong Kong pinag-iingat sa Typhoon Higos na may storm Signal No.9

Tumaas na sa Typhoon Signal No. 9 ang pananalasa ng Typhoon Higos sa Hong Kong kaya pinag-ingat ang mga Pinoy na naroon.

Sa abiso ng na inilabas ng Philippine Consulate General Office sa Hong Kong, inaasahan umano ng Hong Kong Observatory na tatama ngayong araw sa kalupaan ang nasabing bagyo.

Nakalahad din na sarado muna ngayong araw ang konsulada ng Pilipinas dahil sa epekto ng Typhoon Higos na galing ng Pilipinas at dating si Tropical Depression Helen.

Ang mga aplikante na mayroong kumpirmadong appointment ngayong araw ay tatanggapin sa ibang petsa na kanilang pipiliin.