SANGGOL, PATAY MATAPOS MABARIL NG 3-TAONG GULANG NA KUYA

Patay ang isang 8-buwang gulang na sanggol matapos itong aksidenteng mabaril ng kaniyang 3-taong gulang na kuya. Naganap ang insidente nitong Abril 9, 2021, sa Texas, USA.

Ayon sa kapulisan, nakakita ang bata ang baril sa loob mismo ng kanilang apartment, at nabaril sa tiyan ang kapatid.

Agad umanong isinugod ng mga nasa bahay ang sanggol sa ospital subalit binawian rin ito ng buhay. Sa kabila nang pangyayaring ito, wala umanong tumawag sa 911, sa halip, naitala lamang ang pangyayari dahil sa tawag ng Memorial Hermann Memorial City Medical Center.

Ayon sa pulisya, “It was just one gunshot wound to the abdomen and unfortunately our little one is deceased.”

Hindi na rin inilabas ang pagkakalanlan ng bata at ng pamilya.