SKYDIVER, PATAY NANG HINDI BUMUKAS ANG PARACHUTE

Patay ang isang batikang skydiver kahapon matapos na hindi bumukas ang gamit nitong parachute sa isang kompetisyon.

Kinilala ang biktima na si Dimitri Didenko, 30 taong gulang, tubong Russia at kasalukuyang naninirahan sa Italy. Isa si Didenko sa mga kalahok sa Wingsuit Diving Australian Championships in Western Australia na ginanap sa Jurien Bay, Perth.

Ayon sa ulat ng pulisya, tumalon si Didenko mula sa taas na 20,000ft subalit sa kasamaang palad ay hindi bumukas ang parachute nito. Agad na sumugod ang emergency crew sa pinagbagsakan ng biktima ngunit hindi na nila ito nagawang iligtas.

Ayon kay Leslee Holmes, presidente ng Dandaragan Shire, “The first responders, and the (people) who had to witness this, it must be absolutely chilling. For the town of Jurien Bay and the Shire of Dandaragan, this is our premium business; we attract so many people to the town.”

Kasalukuyang nagsasagawa ng imbestigasyon hinggil sa insidente ang Australian Parachute Federation.