AiAi Delas Alas at Darryl Yap, idineklarang Persona non grata sa QC

Idineklara nang persona  non grata sa Quezon City ang komedyanteng si Ai-Ai Delas Alas at direktor na si Darryl Yap  matapos aprubahan ng Quezon City Council ang resolusyong isinumite ni District IV Councilor Ivy Lagman kaugnay ng isang video na in-upload sa Vincentiments Facebook page.

Si Delas Alas ang gumanap na Ligaya Belmonte sa nasabing video.

“The malicious and unscrupulous defacing of the official seal of Quezon City ridiculed and casted dishonor to it, causing insult to the noble representation of the seal, ” ayon sa resolusyon.

Hindi umano nirespeto ng video ang official seal ng lungsod.

Ayon naman kay Lagman, hindi papayag ang mga taga-Quezon City na ipahiya ang official seal ng Quezon City para sa aniya’y personal at makasariling interes.