Dating CBCP President at Lingayen-Dagupan Archbishop Emeritus Oscar Cruz, pumanaw na

Sumakabilang-buhay na si dating Catholic Bishops’ Conference of the Philippines (CBCP) President at Archbishop ng Lingayen-Dagupan na si Oscar Cruz.

Ito’y kinumpira ng CBCP News na yumao si Cruz alas-6:45 kaninng umaga, sa Cardinal Santo Hospital, dahil sa iniindang sakit.

Namatay si Cruz sa edad na 85 gulang.

Kilala si Cruz sa pagiging hayag nito at pagpuna sa iba’t ibang usapin sa lipunan.

Isa rin siyang columnist sa CBCP news na “Views and Points” kung saan doon niya inihahayag ang kaniyang mga punto sa iba’t ibang usapin sa bansa.