DepEd: Pagsuot ng uniform para sa online class sa public schools, hindi required

Nilinaw ni DepEd Undersecretary Anne Sevilla na hindi kailangan magsuot ng school uniform ang mga estudyante sa public schools para sa kanilang online classes.

Naglabas ng paglilinaw si Sevilla sa gitna ng mga ulat na ipapasuot ng uniform o “appropriate clothing” ang mga estudyante sa oras ng online classes para maiwasan ang bullying.

“Wearing of uniforms is not a requirement for public school learners to do distance learning,” wika nito sa isang panayam.

Nakatakda sa Agosto 24 ang pagbukas ng klase sa mga pampublikong paaralan.