DOH, TUTOL NA PAYAGAN ANG MGA BATA SA MALLS

HINDI PABOR ang Department of Health (DOH) na payagan ang mga nasa-edad 14-anyos pababa na lumabas sa kanilang bahay at payagan sa mga malls.

“Ang posisyon namin, hindi po nagbabago. We discourage that kasi meron pa ring risk,” pahayag ni DOH Secretary Francisco Duque III.

Maging ang mga nasa edad 66 pataas ay hindi pa rin papayan mag-mall.

Ayon kay Duque, lubhang mapanganib ang mga nasabing edad na mahawaan ng COVID-19.

“Sa siyam na buwan na karanasan natin sa COVID-19, three to five percent po ng total infected cases natin ay sa mga bata nangyari. Hindi po sila exempted sa hawaan,” saad pa ni kalihim.

Nilinaw naman ni DILG Secretary Eduardo Año na hindi pa pinal ang desisyon sa rekomendasyon na payagan ang mga bata sa malls.