DUTERTE, ITINAAS SA P50M ANG PABUYA SA PINOY NA MAKAKATUKLAS NG COVID-19 VACCINE

Itinaas ni Pangulong Rodrigo Duterte sa P50 milyon ang pabuya sa kung sinumang Pinoy na makakaimbento o makakatuklas ng gamot laban sa COVID-19.

Sa kanyang pre-recorded address ngayong araw sinabi nito na maaari pa niya itong itaas hanggang sa P100 milyon kapag siya ay nasiyahan.

Iginiit ng pangulo na maraming magagaling na eksperto sa larangan ng medisina sa Pilipinas kagaya ng sa ibang mauunlad na bansa.

Kinilala nito ang malaking ambag ng mga frontliners na ito sa pakikibaka ng bansa laban sa sakit.

Una nang nag-alok si Duterte ng P10 milyon sa makakaimbento ng COVID-19 vaccine.