Malaking Bawas sa 2025 Budget ng Office of the Vice President, Inirekomenda

Inirekomenda ng House Committee on Appropriations na bawasan ang proposed budget ng Office of the Vice President (OVP) para sa 2025 mula P2.037 bilyon  sa P733.19 milyon.  Ayon kay Senior Vice Chair Rep. Stella Quimbo, ang nabawas na P1.29 bilyon ay iminumungkahi na ilipat sa mga programa ng DSWD at DOH na tumutulong sa mga nangangailangan.

Ipinaliwanag ni Quimbo na ang desisyon ay ginawa dahil sa “kakulangan ng impormasyon” tungkol sa mga panukala.

Ginawa ng mambabatas ang pahayag nang tanungin kung ang hindi pagdalo ni Duterte sa ikalawang araw ng deliberasyon ng budget ang naging dahilan ng desisyon ng House panel.

“Ito talaga ay dahil sa kawalan ng impormasyon,” sabi ni Quimbo.

Pagbabawas ng Budget

Ang pagbawas ng budget na aabot sa P1.29 bilyon ay kukunin mula sa iba’t ibang item ng OVP:

– P200 milyon mula sa mga supply
– P92.4 milyon para sa personnel services ng mga consultant
– P947.4 milyon mula sa financial assistance
– P48 milyon sa rent/lease expenses
– P5 milyon para sa utility expenses

Saan Mapupunta ang Pondo?

Ang makukuhang pondo ay itatalaga sa DOH Medical Assistance Program at DSWD Assistance to Individuals in Crisis Situation, parehong tatanggap ng P646.5 milyon.

Tanggap ng OVP Ang Pagbabago

Ayon kay Vice President Sara Duterte, handa ang kanyang opisina na magtrabaho kahit walang budget, matapos niyang hindi dumalo sa pagdinig ng House of Representatives tungkol sa 2025 proposed funding. Ang pahayag na ito ay nagpapakita ng kanilang determinasyon na ipagpatuloy ang serbisyo kahit pa magkaroon ng malaking pagbabago sa kanilang budget.

Ayon naman kay Senador Chiz Escudero na ang anumang hindi pagkakaunawaan sa proseso ng pag-apruba ng pondo ng OVP ay maaaring maresolba sa pamamagitan ng pagboto.

“I am hopeful though that the seeming impasse between the OVP and the House will be resolved where either or both would take a step back, set aside their differences/biases, simply follow the process or, at the end of the day, for Congress (in the exercise of its wisdom) to decide on this and other related matters by a vote,”