MAYOR SARA, NANAWAGAN NA SUPORTAHAN SI PDU30 SA PAGKABISE-PRESIDENTE

NANAWAGAN si Davao City Mayor Sara Duterte na suportahan si Pangulong Rodrigo Duterte sa pagkabise presidente sa parating na eleksyon sa 2022.

“Mayroong kaming maayos na kasunduan ni Pangulong Duterte sa aming kani-kaniyang karera sa pulitika,” pahayag ni Sara sa isang video message.

“Ibigay po natin sa kanya ang pinakamalakas natin na suporta sa kanyang desisyon na tumakbong vice president,” saad pa ng alkalde.

Mababatid na una nang inihayag ni Sara na hindi siya tatakbo para sa national position.

Sinabi ito ng alkalde matapos tanggapin ng pangulo ang nominasyon ng PDP-Laban na maging pambato sa pagka-bise presidente sa 2022 elections.