MGA PWDs, PINO-PROPOSE NA MABIGYAN NG MONTHLY PENSION

Pino-propose ni Sen. Lito Lapid na bigyan ng social pension ang mga Persons With Disabilities (PWDs) sa harap ng mga reports at diskriminasyon sa pamimigay ng social amelioration fund para sa disability community.

Nakapaloob sa Senate Bill No. 1596, ang lahat na indigent PWDs na binirepika at sinertipikahan ng Department of Social Welfare and Development (DSWD) at ng National Council on Disability Affairs (NCDA) ang syang entitled sa P2,000 monthly pension.

Ayon kay Sen. Lapid, dapat bigyan din ng prayoridad ang nasabing sektor sa social services program ng gobyerno dahil sa COVID 19 pandemic.

Ayon pa sa senador na kinakaharap na krisis, karapatan din ng mga PWDs na makatanggap ng tulong para may pambili ng kanilang mga kailangan.