PCO Naghahanda Sa Regularisasyon ng mga COS Workers

MANILA — Inihayag ng Presidential Communications Office (PCO) na balak nitong gawing regular ang lahat ng natitira nitong mga contract of service (COS) workers bago mag-2025. Ayon kay PCO Acting Secretary Cesar Chavez, ang hakbang na ito ay bahagi ng reorganisasyon ng kanilang opisina.

Sa budget briefing ng PCO sa House Committee on Appropriations, sinabi ni Chavez na 217 ang kabuuang bilang ng COS personnel na layuning ma-regularize sa gitna ng kanilang ongoing reorganization. “There are a total of 217 COS personnel, who, we also aim to be regularized through the ongoing reorganization process,” ayon kay Chavez habang nasa harap siya ng House panel.

Dagdag ni Chavez, idineklara na ang panukalang estruktura ng PCO sa Department of Budget and Management (DBM) noong Mayo 2024. “The PCO has already submitted to the DBM our proposed new structure last May 2024. According to the DBM, it is now being reviewed. Should it be approved, there will be hopefully a decrease in number of COS positions by the end of 2024 and hopefully, no more COS positions by 2025,” dagdag pa niya.

Sa taong ito, meron nang 485 positions para sa PCO personnel, kung saan 207 dito ay filled plantilla positions habang 60 naman ang bakante. Sinabi rin ni Chavez na susunod ang proseso ng pagkuha sa mga vacant positions sa mga guidelines ng Civil Service Commission.

Ang proposed budget para sa 2025 ng PCO at mga kaakibat nitong ahensya ay nasa P2.15 bilyon. Mula rito, P713.3 milyon ang itatalaga para sa PCO mismo, mas mababa kaysa sa P948.9 milyon noong 2024.

Nakatakdang makatanggap ang People’s Television (PTV) ng subsidy na P215.25 milyon sa susunod na taon, at walang nakalinyang subsidy para sa IBC sa ilalim ng 2025 National Expenditure Program.

Ilang mambabatas naman ang nagpahayag ng suporta para dagdagan ang budget ng pangunahing komunikasyon ahensya ng pamahalaan.