PDUTERTE KAY VP ROBREDO: KUNIN MO ‘YONG BASKET MO, MAMALENGKE KA NG BAKUNA

MULING BINANATAN ni Pangulong Rodrigo Duterte si Vice President Leni Robredo sa kanyang public address kagabi.

“Ngayon, kung gusto mo talaga para mahinto ka, kunin mo ‘yong basket mo, mamalengke ka doon sa labas ng bakuna. Bigyan kita pera para kung may mabili ka, bilhin mo na kaagad at umuwi ka dito sa Pilipinas, ibigay mo doon sa mga doktor,” utos ng Pangulo kay Robredo.

Paliwanag ni Duterte, pahirapan ang pagbili ng bakuna ngayon dahil nagkakaubusan ng supply.

“Ganito na lang, sabihin ko sa iyo ulit kung marunong kang makinig: walang bakuna ngayon available, either hingiin mo, nakawin mo o bayaran mo. Not only the Philippines, as stated by earlier — binigyan tayo ng worldwide situation ng vaccine. Hirap rin sila. Ang Amerika mayroon pero inuuna nila,” ani Duterte.