PHARMALLY WHISTLE-BLOWER KRIZLE MAGO, PINAGHAHANAP PA RIN NG SENATE BLUE RIBBON COMMITTE

Sinabi ni Senator Richard Gordon sa isang panayam na hanggang ngayong umaga, September 26, ay hindi pa rin umano ma-contact ng Senate Blue Ribbon Committee ang opisyal ng Pharmally Pharmaceutical na si Krizle Grace Mago.

Matatandaang isiniwalat ni Mago sa isang Senate Blue Ribbon Committee hearing na inutusan siya ng corporate treasurer at secretary ng Pharmally na si Mohit Dargani na palitan ang production date sa mga face shield na ibinenta sa pamahalaan. Mula sa original na 2020 ay pinapapalitan umano ito ng 2021.

Ayon kay Gordon, kino-kontak ng Senado si Mago upang mabigyan ng proteksyon.