Proklamasyon ng 12 nanalong senador, bukas na – COMELEC

Nakatakdang iproklama ng Commission on Elections (Comelec) ang 12 nanalong senador bukas ng hapon, habang ang partial proklamasyon ng mga nanalong party-list group ay gaganapin sa susunod na araw, Mayo 19, sa alas-4 ng hapon.

Ngunit, sinabi ni Comelec acting spokesman John Rex Laudiangco na hindi magkakaroon ng ranking sa mga nanalong senador sapagkat hihintayin pa ng poll body ang certificates of canvass para sa Mayo 24 special elections sa 12 barangay sa Lanao del Sur.

“The 12 senators who garnered the highest number of votes would be proclaimed, but there would be no standing or ranking in the meantime, while we are completing the (votes) from Lanao del Sur,” sabi ni Laudiangco batay sa ulat ng PhilStar.

“The Oversight Committee together with the Supervisory Committee and other working committees already made a computation that the remaining votes that have yet to be submitted or transmitted would not affect the ‘Magic 12.’ It just might have an effect on the standing but not the winning senators, that is why we are confident to proclaim the 12,” dagdag niya.

Gaganapin ang proclamation ceremonies sa Philippine International Convention Center.

Bawat na-elect na senador ay papayagang magdala ng limang kasama sa proclamation ceremony mula sa orihinal na tatlo lamang. Habang mayroong dalawang representatives lang bawat winning party-list group.

“Not all 63 seats will be proclaimed on Thursday. It will only be limited to those who have or are sure to have garnered the guaranteed seats,” batay sa poll official.

Kailangang i-presenta ng mga winning candidates at ang kanilang mga kasama ang kanilang vaccination cards bago ang proclamation day.

“Our ceremonies are formal and I know that they would cooperate with us, as they have before. We have procedures, we have rules, we have guides who will assist them. This would be a formal ceremony, we hope we could maintain the formality of the occasion,” aniya.

(PhilStar)