Velasco, pormal nang inihalal bilang House Speaker, Cayetano bumitiw na sa puwesto

Opisyal nang itinalaga bilang House Speaker si Rep. Lord Allan Velasco, matapos ang isinagawang nominal voting sa House Plenary Hall ngayong araw, Oktubre 13.

Sa botong 186, iniluklok si Velasco bilang bagong House Speaker.

Binanggit naman niya sa kanyang talumpati kung paano naapektuhan ang 2021 national budget dahil umano sa “personal greed” at “political ambition” ng ibang pulitiko.

Samantala, nagbitiw naman sa puwesto si Taguig Rep. Allan Peter Cayetano.

Inanunsyo nito ang kaniyang irrevocable resignation bilang Speaker of the House ngayong Martes ng umaga.