JAIL FACILITIES SA NegOcc, MANANATILING LOCKDOWN PARA SA MGA BISITA

Sa kabila ng isinailalim sa Modified General Community Quarantine (MGCQ) ang probinsiya ng Negros Occ. at syudad ng Bacolod ay mananatili pa ring sarado para sa mga bisita ang Negros Occidental District Jail.

Ayon kay NODJ Jail Warden Chief Inspector Norberto Miciano, ito ay upang maiwasan ang pagkalat ng sakit na COVID-19 na posible umanong makapasok sa kanilang pasilidad.

Dagdag pa nito, naghahanda rin ang kanilang ahensya ng isolation rooms para sa mga na-expose na Persons Deprive of Liberty o PDL’s na lalabas para dumalo sa hearing.

Samantala, ang isolation room ay magsisilbing holding area at 14day quarantine period sa mga PDL’s base sa protocol ng Department of Health (DOH) at Covid-19 Task Force Advisory ng Bureau of Jail Management and Penology (BJMP).