PATIENT 5 SA BACOLOD, COVID-19 FREE NA!

Covid-19 Free na ang Patient 5 sa syudad ng Bacolod matapos mag-negatibo sa dalawang Covid-19 test.

Base sa DOH Western Visayas Center for Health Bulletin No. 42, isa si patient 5 ng Bacolod sa tatlong naka-recover sa virus sa Western Visayas at dalawa naman sa Iloilo.

Si patient 5 ang 28 anyos na lalaki na residente ng Doña Juliana Subdivision sa Brgy. Taculing, Bacolod.

Mayroon itong travel history sa USA at Manila at kasalukuyang naka-home quarantine.

Samantala, isa pang negatibong resulta ang kinakailangan ni Patient 9 na isang 62 anyos na babae na residente ng Brgy. Banago, Bacolod para maging recovered ang kanyang estado.

Sa ngayon, ang Region 6 ay mayroon ng 92 kaso ng COVID-19, 34 ang naka-recover at 10 ang namatay.