BBM: PRRD isang mahusay at tunay na lingkod bayan

ANG nananatiling mataas na tiwala ng taumbayan kay Pangulong Rodrigo Duterte ay nagpapatunay ng kanyang pagiging mahusay na lider at tunay na tagapagsilbi sa mga Pilipino, ayon kay presidential frontrunner Ferdinand ‘Bongbong’ Marcos Jr.

Sa isang panayam matapos ang SMNI presidential interview, sinabi ni Marcos na lubos ang pasasalamat ng mga Pilipino sa mga nagawa ni Duterte para sa bansa.

Binati rin nito ng ‘happy birthday’ si PRRD at pinasalamatan ang mga nagawa ng pangulo sa bansa. Ipagdiriwang ni Duterte ang kanyang ika-77 na kaarawan ngayong Marso 28.

Dagdag ni Marcos, isang totoong lider at totoong lingkod ng mamayan si Duterte dahilan kung bakit nakuha umano nito ang tiwala ng mga tao.

Ayon kay Marcos, mahirap na mapanitili ang tiwala ng taumbayan ngunit nagawa ito ng pangulo sa loob ng anim na taon.