Umulan ng Milyong Pera💰 sa kalsada ng Cebu! 🛵💸💨

Nakakita ang mga motorista na dumadaan sa Cebu South Coastal Road ng hindi pangkaraniwang eksena noong Martes, nang umulan ng pera sa kalsada na mula pala sa nasirang backpack ng isang kolektor.

Ayon sa ulat ni Nikko Sereno para sa GMA Regional TV “Balitang Bisdak” sa “24 Oras,” nangyari ang insidente habang sakay ng motorsiklo ang kolektor patungong Mandaue City upang maghulog ng cash payments mula sa mga kiosk sa South Road Properties.

Napansin ng kolektor ang mga perang nagkalat sa kalsada matapos siyang alertuhan ng isa pang motorista. Sa gulat, agad siyang nag-U-turn at sinubukang harangan ang ilang sasakyan, subalit hindi niya ito nagawa dahil sa dami ng mga tao na nagtipon sa lugar.

Nakapag-recover ang pulisya ng P2,083,000 mula sa tinatayang P3 million hanggang P4 million na halaga ng pera sa nasirang backpack.

Hinikayat ng mga pulis at ng kolektor ng pera ang sinuman na nakapulot ng pera na ibalik ito.