2 lalaki, timbog sa drug buybust OPS; Mahigit P5M halaga ng ilegal na droga, nakumpiska

Tinatayang nasa P5.13M ang halaga ng nakumpiskang ilegal na droga mula sa dalawang lalaki na subject sa drug buybust operation ng Bacolod City Police Station 8 nitong gabi ng Miyerkules sa Purok Mars, Barangay Singcang-Airport, Bacolod City.

Kinilala ang dalawang naaresto na sina George Jayme Jr., 49-anyos na residente ng Burgos Street, Zone 5, Poblacion, Murcia, Negros Occidental na itinuturing na HVI (High Value Individual) at ang isa namang  SLI(Street Level Individual) ay si Dharryl Escaniela, 41 anyos, tubong Olongapo City, Zambales ngunit pansamantalang naninirahan sa 13th Street, Barangay 7, Bacolod City

Nakuha sa dalawa ang 18 sachet ng suspected shabu na tinatayang nasa 775 grams ang bigat at may halagang aabot sa P5,134,000.

Sa ngayon ay nasa kustodiya na ng Bacolod City Police Station 8 sina Jayme at Escaniela na mahaharap sa kasong paglabag sa Ra 9165 o Comprehensive Dangerous Drugs Act of 2002.