Regional News
2 senior citizen patay, nasa 160 pamilya nasunugan sa Brgy. 7, Roxas City
Dalawa ang kumpirmadong binawian ng buhay sa naganap na sunog kahapon sa Brgy. 7, Roxas City.
Ito ang kinumpirma ni SFO1 Junemat Galve, Information Officer ng BFP Roxas City sa Todo Teleradyo Capiz.
Batay kay Galve, kapwa mga senior citizen ang namatay sa malawak na sunog.
Napag-alaman ang babaeng senior citizen na isa sa nasawi ay isang PWD habang ang lalaki naman ay natrap sa sunog matapos bumalik sa kanyang bahay para kumuha ng mga gamit.
Nagpapatuloy ngayon ang pagdating ng tulong para sa mga pamilyang nasunugan.
Samantala, iniimbestigahan pa ng BFP Roxas City kung ano ang sanhi ng sunog na tumupok sa mga kabahayan.
