Empleyado ng mall, patay matapos mahulog ang sinasakyang motor sa ginagawang kalsada sa Roxas City

Dead-on-arrival sa ospital ang isang empleyado ng mall matapos na madisgrasya sa isang matagal at hindi pa natatapos na kalsada sa Brgy. Lawaan, Roxas City.

Kinilala ang biktimang si Angelo Francisco, 23 anyos, tubong Osman, Malinao na kasalukuyang naninirahan sa Brgy. Lawaan, Rozas City.

Batay sa ulat, galing sa trabaho ang biktima pero naabutan ito ng madaling araw sa inuman kasama ang mga barkada bago umuwi.

Pagdating sa sea oil gasoline station, dahil sa madilim na kalsada dulot ng brownout at kakulangan sa early warning device, nahulog ang minamanehong motor sa ginagawang kalsada sa lugar.

Naisugod pa sa pagamutan ang biktima pero idineklara ring dead on arrival.