Fetus, natagpuan sa loob ng mall sa Iloilo City

Namataan ng mga stall owners ang isang fetus sa gilid ng stante sa loob mismo ng isang mall sa Barangay Ed Ganzon, City Proper, Iloilo City dakong alas-11:16 nityong Huwebes, July 5.

Pinaniniwalaang, nasa 2-3 buwan na ang naturang fetus na iniwan sa lugar.

Batay sa imbestigasyon ng Iloilo City Police Station 1 , hindi pa sa ngayon matukoy kung sino ang ina o ang nang-iwan ng fetus roon at kung sinadya ba itong ipalaglag.

Samantala, hinala naman ng mga ito na posibleng empleyado rin ng naturang mall ang may gawa  dahil alam ang lugar kung saan walang cctv.

Sa ngayon ay patuloy pa ang imbestigasyon ng mga otoridad kaugnay sa insidente.