ILOILO GOV. DEFENSOR, SUSUNDIN ANG REKOMENDASYON NA I-EXTEND ANG ECQ

Susundin ni Gov. Arthur Defensor Jr., ang rekomendasyon ng Inter-agency Task Force na i-extend ang enhanced community quarantine sa probinsya ng Iloilo.

Ibig sabihin na mananatili ang home strict quarantine, pagsasara ng mga establisemyento, border restriction, liqour ban, social distancing, pagsusuot ng face mask, pag suspend ng mga public transportation at pagbabawal sa mga mass gatherings.

Ayon kay Defensor na pabor siya na ipanatili ang ECQ para anya hindi masayang ang effort o naumpisahan ng Iloilo Provincial government na mga hakbang kontra sa COVID 19.

Matatandaan na nauna nang nagpalabas ng statement si Defensor na plano na sana niyang paluwagin o ipatupad ang modified enhanced community quarantine pagkatapos ng April 30.