Kilalang drug personality sa Railway, Punta Tabuc Roxas City balik selda matapos ma-buy bust

Balik kulungan ngayon ang isang kilalang drug personality sa Roxas City matapos na malambat ng mga kapulisan sag drug buy bust operation sa Punta Tabuc.

Muling nadakip si Michael Bergantinos, 46 anyos, traysikel driver na itinuturing na Street Level Individual drug personality. Kasama nitong nadakip si Arnold Clarete na isang security guard.

Nakuhaan sila ng isang sachet ng shabu kapalit ng P1500 na buy bust money at dagdag na apat na sachet sa body search. May kabuuang 15 gramo ng shabo na may standard value na P102,000 ang nakuha sa kanila.

Dati nang nakulong si Bergantinos matapos madakip na nagbebenta ng armas noong Hulyo pero nakalabas naman ito matapos makapaglagak ng piyansa. Sa ngayon, balik ulit ito sa Roxas City PNP Jail.