Liquor ban sa Iloilo City, inalis na ni Treñas

Pirmado na ni Mayor Jerry Treñas ang Executive Order No. 066 na tumatanggal sa ipinapatupad na liquor ban sa Iloilo City.

Ayon kay Treñas, wala na ang liquor ban ngunit mayroon itong mga limitasyon.

Maaari na aniyang makabili ng alak sa mga supermarkets pero bawal ang inuman sa mga pampublikong lugar at dapat na naka social distancing.

“Indi sila mag-inum sa public places. Dira lang sila inum sa sulod sang ila balay, kag limitado lang ang tawo nga makaupod nila sa pag-inum,” ani Treñas.

Babala ng alkalde, hindi siya magdadalawang isip na ibalik ang liquor ban sa oras na marami ang lumabag sa mga limitasyon.

Samantala, ipinagbabawal pa rin ang mga pagtitipon dahil sa umiiral na Enhanced Community Quarantine.