Payout ng educational cash aid tuloy ayon sa DSWD 6

Inanunsiyo ng DSWD Field Office VI na tuloy ang pamamahagi ng AICS educational assistance bukas, Setyembre 17 at sa susunod na Sabado Setyembre 24.

Ito ay matapos nagbigay ng karagdagang P26 million na pondo ang DSWD Central Office para sa  DWSD 6 na gagamitin sa buong Western Visayas.

Nabatid na nauna nang naglabas ng anunsiyo ang DSWD 6 na wala nang mangyayaring distribution dahil naubos na ang pondo mula sa central office.

Mahigpit naman ang paalala ng ahensiya na magtungo lamang sa mga payout center ang mga kwalipikadong benipisyaryo na nakatanggap ng text o email, at magdala ng tubig, pagkain at sariling ballpen gayundin na panatilihin ang ipinapatupad na minimum health protocols.