Pick up, sumalpok sa kasalubong na wing van; Isang driver, sugatan

Sugatan ang isang driver matapos sumalpok ang minamanehong pick up sa kasalubong na wing van nitong gabi ng Huwebes sa C1 Road ng Pandac, Pavia, Iloilo.

Lumalabas sa imbestigasyon ng Pavia Municipal Police Station na umagaw umano ng linya ang naturang pick up sa kasalubong na wing van rason para ito’y sumalpok.

Mabilis namang tumigil ang wing van nang makita ang pick up para sana makaiwas  ngunit dahil sa kabilisan ng pick up ay naabot parin ito.

Wasak ang harapang bahagi ng pick up habang yupi naman ang tinamo ng wing van.

Sugat at gasgas rin sa katawan ang natamo ng pick up driver na agad namang dinala sa ospital para sa kaukulang pagpapagamot.