3 Pinoy cagers, kasama sa ABL’s Top 10 Players of All Time

Tumanggap ng pagkilala ang tatlong basketball cagers na sina Ray Parks Jr., Leo Avenido at Jerick Canada sa kanilang ‘significant contribution’ simula noong 2009.

Kinilala ang tatlo sa isa sa mga Top 10 Players of all-Time sa Asean Basketball League na inanunsyo nitong Huwebes sa Conrad Manila.

Ang one time champion na si Parks Jr. ang unang ABL player na nakakuha ng tatlong Local Most Valuable Player awards sa paglaro niya sa San Miguel Alab Pilipinas noong 2018 habang si Avenido ay nakapaglaro sa limang team sa ABL at ginawaran din ng MVP award nang siya ay nasa San Miguel Beermen noong 2012.

Si two time champion Canada naman ay naglaro sa Indonesia Warriors noong 2012 at siya rin ang 2014 Finals MVP habang nasa Hi-Tech Bangkok.

Kasama sa Top 10 sina world imports Xavier Alexander, Chris Charles, Marcus Elliott, Steve Thomas, Thai forward Attaporn Lertmalaiporn, Singaporean guard Wong Wei Long at Indonesian playmaker Mario Wuysang.

Source: Sports.ABS-CBN