Didal at Obiena, flag bearers para sa opening ng Asian Games

MAGSISILBING flag-bearers ng Pilipinas sina Tokyo Olympians Margielyn Didal at EJ Obiena sa opening ceremony ng 19th Asian Games at 4th Asian Para Games sa Hangzhou, China.

Ito ang inanunsyo ni Philippine Olympic Committee (POC) president Abraham “Bambol” Tolentino nitong Lunes kasabay ng send-off  ceremony ng mga altleta para Asian Games na isinagawa sa Philippine International Convention Center.

Magsisimula ang Asian Games sa Setyembre 23 hanggang Oktubre 8 samantalang ang Asian Para Games ay sa Oktubre 22 hanggang 28.

Mayroong 395 athletes ang bansa na makikipaglaban sa 37 sporting events ng Asian Games.