KYRIE IRVING OUT SA BUONG SEASON DAHIL SA SHOULDER INJURY

Mawawala sa nalalabing bahagi ng 2019-2020 NBA season si Kyrie Irving ng Brooklyn Nets.

Inanunsyo ng koponan na kakailanganin ni Irving na magpasailalim sa arthroscopic surgery para sa kanyang shoulder injury.

Mula noong Nobyembre, ilang magkakasunod na laro na ang hindi nadaluhan ni Irving dahil hirap na itong itaas ang balikat.

Nakabalik naman noong Enero ngayong taon ang NBA superstar matapos turukan ng cortisone, ngunit ngayon ay kailangan nang operahan.

Malaking kawalan sa koponan si Irving na mayroong average na 26 points, 5.4 assists at may 53 shooting percentage.

Sa ngayon, dalawa na sila ni dating NBA MVP Kevin Durant na out naman dahil sa achilles tendon injury ang hindi makakalaro para sa Brooklyn Nets sa buong NBA season.