Phil Younghusband, magre-retiro na bilang football player

Magre-retiro na ang Filipino football player na si Phil Younghusband.

Sa kanyang Instagram post, inanunsyo ng Filipino-British striker ang kaniyang retirement sa pamamagitan ng pag post ng cartoon sketch.

Inilagay ng 32 anyos sa caption ng larawan ang mga katagang “hanging up my boots”.

Ipinaabot din ni Younghusband ang pasasalamat nito sa kaniyang mga boss, coach, team mates, competitors at maging sa mga tagahanga na naging bahagi ng kaniyang football career.

Umabot ng 13 taon ang international career ni Younghusband sa football kung saan nakilala siya sa top goal scorer na may 52 goals.