Raymond Almazan, sumailalim sa knee surgery

Sumailalim sa knee surgery si Meralco Bolts center Raymond Almazan sa mismong araw na binigyan ito ng koponan ng three-year max extension.

Pahayag ng Meralco Bolts coach na si Norman Black, umaasa itong magiging matagumpay­ ang pag-oopera sa kaliwang tuhod ni Almazan habang ipinaalam nitong mananatiling buo ang kanyang komposisyon para sa pagpasok ng 2020 PBA Philippine Cup na magbubukas sa Marso 1.

“There is nothing happening with the team that I know of at this moment because we just went on our break,” sabi ni Black.

“Raymond (Almazan) has his knee surgery today, but there are no player movements.”

Matatandaan na nagtamo si Almazan ng lateral meniscus tear sa kaliwang tuhod sa unang yugto ng Game 3 ng PBA Governors Cup Finals. – abante.com