Stephen Curry maglalaro para sa US sa 2020 Tokyo Olympics

Sasabak ang Golden State Warriors star Stephen Curry upang maglaro para sa Estados Unidos sa 2020 Tokyo Olympics.

Sa isang panayam kay Curry, sinabi nito na talagang gusto niyang maglaro sa Olympics sa kadahilanang wala pa siyang nasalihang kahit anong koponan na sumabak sa naturang international tournament.

Bagamat nakalaro na ito sa dakawang koponan na nakakha ng gold medal sa World Cup championships, aniya’y iba rin ang karanasan sa Olympics.

Siniguro pa rin ng three-time NBA champion at two-time MVP na “best team” pa rin ang US kahit ang bansa ay nasa ika-pitong pwesto sa FIBA World Cup sa China.

Target din umano na makasama sa US line-up ang iba pang NBA stars gaya nina Lebron James, James Harden, Kawhi Leonard, Russel Westbrook, Anthony Davis at Paul George

Source: Radyo Inquirer