FACEBOOK, MAGLALABAS NG SARILING SMARTWATCH

Kasalukuyan umanong gumagawa ang Facebook Inc. ng sariling bersyon nito ng smartwatch. Pangunahing tampok ang mga health and fitness features dito. Target ng social media giant na mailabas sa merkado ang nasabing smartwatch sa susunod na taon.

Ang smartwatch ay gagana sa pamamagitan ng cellular connection, kung saan ang mga gumagamit nito ay makakapagpadala ng mga mensahe sa pamamagitan ng mga serbisyo nito. Kaya rin nitong kumonekta sa mga health and fitness companies.

Matagal nang pinag-aaralan ng Facebook ang paggawa at paglabas ng iba pang kahalintulad na mga produkto gaya ng virtual reality headset Oculus at video chatting device Portal.

Gayun pa man, hindi pa nagbibigay ng pahayag ang Facebook hinggil dito.