Aklan News
Lalaki, naglasing at nag-amok nang sitahin sa pamumutol ng hindi nito saging
NAGLASING AT NAGWALA ang isang lalaki nang sitahin ng may-ari matapos nitong pinagpuputol ang puno ng saging sa Estancia, Kalibo dakong alas-7:00 ng gabi nitong Huwebes, Mayo 15.
Sa salaysay ng dalawang nagrereklamong ginang, na tumanggi nang magpapangalan, bandang alas-4:30 ng hapon ng pagtatagain ni Banjo Pelante ang mga saging sa kanilang lupa.
Sinita pa ito ng isa sa mga ginang at agad din namang umalis sa lugar ang nasabing lalaki.
Kalauna’y bumalik pa ang inirereklamo na lasing na saka nag-aamok sa lugar.
Nagkaroon ng mga sagutan sa dalawang panig na siya namang ikinabahala ng dalawang nagrereklamo.
Sa ngayon, ini-refer naman ng Kalibo PNP ang nangyari sa Barangay Justice System para sa kaukulang disposisyon.l Ulat ni Arvin Rompe
