53-anyos na tatay, sugatan matapos masagasa ng van

Nagtamo ng mga sugat at pinsala sa katawan ang isang tatay sa bayan ng Ibajay matapos itong masagasa ng van.

Kinilala ang 53 anyos na biktimang si Ernesto Sta. Lucia, residente ng Brgy. Poblacion, Ibajay.

Batay sa ulat, nangyari ang aksidente dakong alas-9 kagabi habang nasa labas ng kanilang bahay na malapit sa highway ang biktima.

Tumawid umano ito ng kalsada at aksidenteng nabangga ng van na papunta sa direksyon ng Boracay.

Tumilapon ang biktima at nagtamo ng mga sugat at bali sa iba’t -ibang bahagi ng katawan na kasalukuyan nang ginagamot sa ospital.