6 ARESTADO SA PAGLABAG SA CURFEW

Kalibo – Anim ang arestado kagabi at kaninang madaling araw dahil sa paglabag sa curfew sa bayan ng Kalibo.

Unang inaresto ang tatlong lalaking sakay ng traysikel bandang alas 11:30 kagabi na sinita ng mga nagpapatrolyang pulis sa bahagi ng Caano, Kalibo.

Napag-alamang walang anumang balidong dahilan ang tatlo kung bakit nasa labas pa sila kahit may curfew, rason na kaagad silang dinala sa presento.

Sunod namang naaresto bandang alas 11:50 kagabi sa bahagi ng New Buswang, Kalibo ang isang 43 anyos na lalaki na naispatan umano ng mga nagrorondang pulis na pagalagala sa lugar.

Kaagad din siyang pinasok sa piitan ng Kalibo PNP dahil sa paglabag sa curfew.

Samantala, kalaboso rin ang inabot ng 22 anyos na dalaga at ang 24 anyos na binatang kasama nito matapos maispatan ng mga nagpapatrolyang pulis alas 12:15 ng hatinggabi habang naglalakad sa bahagi ng Oyotorong St., Poblacion, Kalibo.

Kapwa rin silang ikinustodiya sa Kalibo PNP station dahil rin sa nasabing paglabag para sa karampatang disposisyon.

Samantala, nabatid na nasa impluwensiya ng alak ang lahat ng mga , nang mahuli ng mga pulis.