Biowaste na nakatambak sa Centralized MRF sa Boracay, nabawasan na

Nabawasan na rin ang mga nakatambak na basura sa centralized MRF sa barangay Manocmanoc, Boracay partikular ang mga biowaste.

Ayon kay Manocmanoc Punong Barangay Nixon Sualog, araw-araw nilang binabantayan at minomonitor ang MRF upang hindi na makapasok ang mga bagong kolektang basura.

“Sa makaron nga sitwasyon, everyday man kami naga-monitor sa barangay. As of this morning, nabawasan gid man ang sa sulod kag ginabantayan gihapon namon nga indi na pagpasudlon ang mga biowaste nga bag-o nga pick-up,” saad ni Sualog.

Dagdag pa nito, “So ginsunod man nila ang recommendation ko sa Sangguniang Bayan nga ang mga new nga biowaste hay ideretso sa ila composting or sa ila bio-reactor. Subong may bawas na gid man pero indi na damo man.”