Boracay tourist arrival sa buwan ng Marso, sumipa sa 184K

UMAKYAT sa 184, 970 ang naitalang tourist arrivals sa isla ng Boracay para sa buwan ng Marso.

Mula sa nasabing bilang, 144,669 dito ang domestic tourist, 4,538 ang Overseas Filipinos at 35,763 naman ang mga banyagang turista.

Mas mataas ito kumpara ng 24,198 noong buwan ng Pebrero kung saan nakapagtala lamang ang Malay Toursim Office ng 160,772 tourist arrivals.

Samantala, mas mataas naman ang nasabing bilang kung ikukumpara noong nakalipas na taon sa kaparehong period.

Batay kasi sa datos ng Tourism Office, nakapagtala lamang ng 150,597 tourist arrivals noong Marso 2022.

Inaasahan namang mas dadami pa ang bilang ng mga turista bibisita sa Boracay Island ngayong Holy Week.