Lalaking nag-masturbate habang nakatitig sa isang misis, naiwan ang motor matapos kumaripas ng takbo nang kumprontahin

Isang mister ang nagreport sa Kalibo PNP para isumbong ang lalaking nag-masturbate habang nakatitig sa kanyang misis kagabi sa may Roxas Avenue Extension, Brgy. Andagao, Kalibo.

Batay sa ulat, pumuwesto ang lalaki sa harap ng kanilang bahay katabi ng kanyang motorsiklo na naka-park.

Pero kalaunan ay binuksan na nito ang zipper ng kanyang pang ibabang suot at nag-masturbate habang pinagpapantasyahan ang kanyang misis.

Nakita ito ng isa sa mga residente sa lugar at kinumpronta ang suspek.

Kumaripas naman ng takbo ang suspek at naiwan ang kanyang motor na kasalukuyan nang nasa kustodiya ng Kalibo PNP.

Batay sa nakalap na impormasyon ng Radyo Todo, hindi ito ang unang beses na ginawa ito ng suspek.