Lalaking wala ng buhay, natagpuan sa loob banyo sa Brgy. Andagao, Kalibo

Natagpuan ang katawan ng isang lalaki na walang buhay sa banyo sa Ilang-ilang Street, Barangay Andagao, Kalibo, kagabi ng alas 7:15, Oktobre 1.

Kinilala ang biktima na si Reynaldo Andrade, 55 anyos at residente ng nasabing lugar.

Base sa mga pulis, alas 7:21 nang makatanggap sila ng tawag galing sa Barangay Peacekeeping Action Team (BPAT) ng barangay Andagao na humingi ng tulong.

Ayon kay Bryan Manzanero, ang nakakita sa katawan ng biktima, nagtaka umano ito kung bakit hindi parin lumalabas ng CR ang biktima dahil matagal na itong nasa CR. Tinatawag nila ito pero hindi sumasagot kaya nagpasya nalang silang pasukin ito.

Tumambad sa kanila ang katawan ng biktima na nakahandusay sa sahig at wala nang malay.

Agad nilang inilipat ang katawan sa sofa at dinala sa Aklan Provincial Hospital pero wala na itong buhay.

Iniimbestigahan pa ng mga kapulisan ang insidente.