Mahigit 124k turista bumisita sa Boracay island nitong Setyembre

UMABOT sa 124,491 ang kabuuang bilang ng mga turista na bumisita sa isla ng Boracay.

Ito ay batay sa record ng Malay Tourism Office nitong buwan ng Setyembre 2023.

Ayon kay Malay Tourism Officer Felix Delos Santos, mula sa nasabing bilang, 94, 160 ang domestic tourist, 803 naman ang Overseas Filipinos samantalang nasa 29, 528 ang mga banyagang turista.

Saad pa ni Delos Santos, ang buwan ng Setyembre ngayong taon ang may pinakamaraming bilang ng tourist arrivals.

Sa kabilang panig, inaasahan ng Malay Tourism Office ang pagdagsa ng bisita ngayong Oktubre kasabay ng kanilang paglunsad ng Boracay White Beach Festival.