Motorsiklo naaksidente driver patay

Binawain ng buhay habang ginagamot sa ospital ang driver ng motorsiklo matapos itong maaksidente alas-5 Linggo ng hapon sa Brgy. Mabilo, Kalibo.

Kinilala ang driver na si Rene Espinosa, 32 anyos habang sakay nito ang kanyang anak na tatlong taong gulang at pamangkin na si Reynold Espinosa, 19 anyos ng Andagao, Kalibo.

Napag-alaman na nakainum ng alak si Rene galing umano sa kanilang kaibigan sa Brgy.  Tambak, New Washington.

Ayon sa mga nakakita sa pinangyarihan ng aksidente, mabilis diumano ang takbo ng motorsiklo hanggang sa mawalan ng kontrol at sumemplang ito sa kalsada.

Nagtamo ng sugat sa kanyang ulo at iba pang parte ng kanyang katawan si Rene na naging sanhi ng kanyang pagkamatay makaraang tumilapon kasama ang dalawang angkas.

Kasalukuyan pang ginagamot kanyang anak na tatlong gulang sa ospital habang ang kanyang pamangkin na si Reynold ay out patient matapos magtamo ng minor injury sa kanyang katawan.