Maaring umabot ng 11,000 new daily cases sa Metro Manila dahil sa Delta Variant – DOH

Maaring umabot hanggang “11,000 daily new COVID-19 cases” sa Metro Manila dahil sa Delta Variant pagdating ng katapusan ng Setyembre kapag hindi na-aangkop ang pinapa-implement na health protocols, ayon sa Department of Health (DOH).

Sinabi ni Health Undersecretary Maria Rosario Vergeire na base sa projections ng FASSSTER, “we might see daily active cases in NCR to reach 11,000 by the end of September 2021 with the assumption that the Delta variant is 60% more transmissible, a conservative estimate of how fast the Delta variant will spread.”

Ang FASSSTER ay isang disease surveillance tool na dinevelop ng Ateneo De Manila University, kung saan ang funding nila ay mula sa Philippine Council for Health Research and Development ng Department of Science and Technology.

Ito’y nai-turnover sa DOH noong Setyembre 2020.

“We acknowledge that there is an increase of our case metrics which is why we urge people to continue adhering to the minimum health standards and get vaccinated, and for our local government units to strictly implement our protocols,” pahayag ni Vergeire.

Ibinahagi ng DOH itong projection dahil kumpirmadong tumaas ang COVID-19 cases sa Metro Manila, ngunit wala pa daw ebidensya na mayroon ng surge ng infection, ito’y salungat sa sinabi ng OCTA Research.

Ayon sa DOH, mayroong karagdagang 19% sa two-week growth rate (TWGR) ng COVID-19 cases sa Metro Manila at may average daily attack rate na six cases per 100,000 population, kung saan ito’y kinokonsiderang moderate risk.

Dagdag pa nila na ang 11 lungsod sa Metro Manila ay may positibong TWGR, ito’y isang “trend reversal” mula sa negative growth rates noong tatlo hanggang apat na linggo.

Ang mga lungsod na ito ay, Makati, Las Piñas, Pasay, Pasig, Taguig, Paranaque, Manila, Valenzuela, Navotas, Marikina, at Caloocan.

Samantala ang Makati, Las Piñas, at Pasay ay mayroong din high-risk average daily attack rate (ADAR).

Tiniyak naman ng DOH na nakikipag-ugnayan sila sa mga goverment units para siguraduhin na ang mga “signals of increase” sa mga kaso ay mabilis na maiimbestigahan at matugunan.

“We must continue our preparations to strengthen local health system capacities and further augment the needed resources to maintain these low-risk levels,” sinabi ni Vergeire.

“We need to make sure that we have enough capacity to cope with the demand in the event that cases continue their upward trend,” dagdag niya.

Ang Pilipinas ay may naitalang 119 Delta variant cases, kung saan kumpirmado ng DOH na mayroon ng local transmission ang nasabing variant.

Source: Inquirer.Net