Women’s beach volleyball team ng Pilipinas, nakasungkit ng unang panalo sa pagbukas ng Asian games

Nilampaso nina Dij Rodriguez at Gen Espalor ng Pilipinas ang koponan ng Korean sa iskor na 21-11 at 21-6 sa larong beach volleyball sa pagbubukas ng Asian Games nitong Martes, Setyembre 19 sa Hangzhou, China.

Maliban kina Rodriguez at Espalor na kabilang sa Pool A, naipanalo din ang kauna-unahan panalo sa Pool B nina Khylem Progella at Grydelle Matibag sa iskor na 17-21, 21-21 at 15-13 laban sa Hongkong.

Ang koponan ng Philippine women’s beach volleyball ay magbabalik ngayong araw para sa kanilang laro laban sa China at Kazakhstan para sa Pool A at Indonesia naman sa Pool B.

Samantala, ang Pool B naman sa volleyball men’s na sina Ran Abdilla at Jaron Requinton ay bigo na manalo sa iskor na 21-13, 16-21 at 8-15 laban sa Indonesia.